Sugandhamulla Varthamanam

കവിതയുടെ രീതിശാസ്ത്രം അറിയുന്ന എഴുത്തുകാരനാണ് ദയ പച്ചാളം. പുതിയ പദനിര്‍മ്മിതികള്‍, പദഘടനാപ്രയോഗങ്ങള്‍, കാച്ചിക്കുറുക്കിയ വാക്കുകള്‍, ഉചിതബിംബകല്പനകള്‍, നവ്യ കാവ്യസങ്കേതങ്ങളുടെ സാന്നിധ്യം എന്നിവ കൊണ്ട് ശ്രദ്ധേയമാണ് ഈ കൃതി. കപടലാവണ്യവാദത്തേയും നിഗൂഢ ഭാഷാപ്രയോഗത്തേയും പ്രചരണപരമായ രീതിശാസ്ത്രത്തേയും ഒഴിവാക്കി തികച്ചും യുക്ത്യാധിഷ്ഠിതവും ചിന്തോദ്ദീപകവും ഭാവനാപൂര്‍ണ്ണവുമായ കാവ്യശൈലിയാണ് ഈ കൃതിയില്‍ അവലംബിച്ചിരിക്കുന്നത്. നിലവിലില്ലാത്ത പലതിനേയും ഉള്‍ക്കൊള്ളുന്ന എഴുത്താണ് ഒരു മഹത്തായ കൃതി. കവിത അതിന്റെ സ്വച്ഛന്ദഗമനം കൊണ്ടു തന്നെ അനുവാചകരെ ആകര്‍ഷിക്കും എന്നതില്‍ സംശയമില്ല. രണ്ടുവാക്കുകള്‍ കൂടിച്ചേര്‍ന്നാല്‍ മൂന്നാമതൊരു വാക്കല്ല നക്ഷത്രമാണുണ്ടാവുക എന്ന ബ്രൗണിങ്ങിന്റെ വചനം ഈ കവിതകളെ സാര്‍ത്ഥകമാക്കുന്നു.