Mahasamskara Yudham

സിന്ധു നദീതടത്തില്‍ രൂപംകൊണ്ട ഹാരപ്പന്‍ സംസ്‌കാരവും അതിന്മേലുള്ള ആര്യന്‍ അധിനിവേശവും അത് ഭാരതീയ സംസ്‌കാരത്തില്‍ ചെലുത്തിയ സ്വാധീനവും അതിന് പിന്‍കാലത്തുണ്ടായി വന്നിട്ടുള്ള രാഷ്ട്രീയമാനങ്ങളുമെല്ലാം എന്നും ചരിത്ര-രാഷ്ട്രീയ സംവാദങ്ങളില്‍ ചര്‍ച്ചാ വിഷയമാണ്. രേഖകളില്‍ നിന്നും മാറ്റിനിര്‍ത്താനാകാത്ത ബി സി 1500 കാലഘട്ടത്തിലെ ഇന്ത്യയുടെ പശ്ചാത്തലത്തില്‍, ഹാരപ്പ രാജകുമാരിയായ അര്‍മിതയുടേയും ആര്യന്‍ യുവാവായ പുരുഷയുടേയും പ്രണയത്തെ ആര്യന്‍ അധിനിവേശത്തിന്റെ  ദുരകളിലൂടെ ഇഴചേര്‍ത്തെഴുതിയ ഈ കഥ, സംസ്‌ക്കാരത്തിന്മേല്‍ ആധിപത്യത്തിനായുള്ള യുദ്ധത്തിലേക്കാണ് പുരോഗമിക്കുന്നത്. യുദ്ധ പരിണാമങ്ങളെ തുടര്‍ന്ന് ഇരു സംസ്‌കാരങ്ങളും ചേര്‍ന്ന് ശോഭനമായ ഭാവിയിലെക്കെത്താന്‍ നടത്തിയ ശ്രമങ്ങളും പിന്താങ്ങിയ പ്രസ്ഥാനങ്ങളുടെ ആവിര്‍ഭാവവുമെല്ലാം ചര്‍ച്ചചെയ്യുന്ന ഈ നോവല്‍ കുട്ടികള്‍ക്ക് പോലും ചരിത്രത്തെ ലളിതമായും രസകരമായും മനസ്സിലാക്കാനാകും വിധത്തിലാണ് ആവിഷ്‌ക്കരിച്ചിരിക്കുന്നത്.