Visappine Purathekku Varaykkunna Jeevikal

പല കാലത്തിന്റെ വേവുകളെ തനിക്ക് പരിചിതമായ ഇക്കാലത്തെ രൂപകങ്ങളിലൂടെ ആവിഷ്‌ക്കരിക്കാന്‍ ശ്രമിക്കുന്നതിനിടെ ഈ സമാഹാരത്തിലെ കവിതകള്‍ക്ക് വിശക്കാന്‍ തുടങ്ങി. അത് ആത്മനിഷ്ഠമായ വയറ്റിലെ കാളലായി ആരംഭിച്ചു, പിന്നീടത് ജീവജാലത്തിന്റെ മുഴുവനും വിശപ്പും ഒപ്പം കാമനയുമായി പരിവര്‍ത്തിക്കപ്പെട്ടു. അങ്ങിനെയാണ് 'വിശപ്പിനെ പുറത്തേക്ക് വരക്കുന്ന ജീവികള്‍' എന്ന ഈ സമാഹാരത്തലിലെ ഏറ്റവും പ്രധാനപ്പെട്ട രചന ആവിഷ്‌ക്കരിക്കപ്പെട്ടിരിക്കുന്നതെന്ന് തോന്നും. ആ കവിതയില്‍ ഇക്കാലം കൊണ്ട് ശേഖരിച്ച നിരവധി അനുഭവങ്ങളുടെ പൊട്ടിത്തൂവലുണ്ട്. ആ കവിത ചരിത്രത്തിലേക്കും ജീവിവര്‍ഗങ്ങളുടെ ആവിഷ്‌ക്കാര ഭാവനകളിലേക്കും നരവംശത്തിലൂന്നിയ രാഷ്ട്രീയത്തിന്റെ ചൂട്ട് മിന്നിക്കുന്നു.

വി. മുസഫര്‍ അഹമ്മദ് 

വിശപ്പും പ്രണയവും ശരീരവും സൂക്ഷ്മതയില്‍ സംവദിക്കുന്ന അമ്പത്തിമൂന്ന് കവിതകളുടെ സമാഹാരം.